Welcome to Machinfy Academy

كيف تفيد تحليل البيانات عالم كرة القدم

blog image

data analysis |تحليل البيانات في كرة القدم

الناس بقالها كذا يوم بتناقش مباراة الأهلى وبايرن ميونخ وبتتكلم عن الفرق في المهارة واللياقة البدنية بين لاعبي الفريقين اللي ناس كتير مش واخدة بالها منه هو الفرق في استخدام التكنولوجيا واستخدام تحليل البيانات اللي صنع فارق في تطور الاندية وتحقيق البطولات

كيف تقوم الشركات بتحليل البيانات في كرة القدم ؟

من أكثر من 5 سنين شركة Acronis السويسرية المتخصصة في تقديم خدمات تخزين البيانات (Cloud storage) قدرت تعمل صفقات مع أندية كبيرة في أوروبا لتخزين نسخة احتياطية من مباريات كل فريق مع الوقت بدأت أندية كتير تتجه للشركة لنفس الغرض
لحد ما بقوا مسئولين عن تخزين فيديوهات جلسات التدريب والمباريات لأكثر من 50 نادي في العالم. آلاف الساعات من جلسات التدريب والمباريات في المسابقات المختلفة تحت تصرف الشركة.

الاهلي-بايرن-ميونخ
الاهلي-بايرن-ميونخ

كيف يساعد تحليل البيانات في كرة القدم؟

بعد فترة بدأت الشركة تفكر هل نقدر نستغل الكم الكبير جدًا من الداتا اللي عندنا في إننا نتعلم insights جديدة تساعد الأجهزة الفنية للأندية في اتخاذ قرارات أحسن!
بدأت الشركة، وشركات مختلفة في العالم، تستكشف فرص استخدام الداتا دي في تحسين آداء الفريق
وحتى في اكتشاف فرص بيزنس جديدة للفريق. دي أمثلة من اللي الشركات دي بتقدر تعمله:

1. تحسين آداء اللاعبين عن طريق تحليل البيانات-data analysis:

عن طريق استخدام نماذج الذكاء الاصطناعي، بتقدر الأندية تحلل آداء اللاعبين في كل مباراة، وتربط آداء كل لاعب بخطة التدريب اللي سبقت المباراة. من هنا بيقدر الجهاز الفني يحدد محتاجين يركزوا على ايه في خطة التدريب المستقبلية لكل لاعب عشان يكون في أحسن آداء ليه.

2. وضع التشكيل المثالي لكل مباراة بترشيحات من تقنيات تحليل البيانات:

مؤخرًا بدأت الأندية تستخدم حساسات بيولوجية (Bio-mechanical Sensors) بتتركب على جسم اللاعب أثناء التدريب، وعن طريق الذكاء الاصطناعي بيقدر الجهاز الفني يتوقع آداء كل لاعب خلال المباراة الجاية هيبقى عامل ازاي، وبالتالي بيقدر يحط أحسن تشكيلة.

3. استكشاف الناشئين الواعدين باستخدام تحليل البيانات:

عن طريق استخدام نماذج الذكاء الاصطناعي، بتقدر الأندية تحلل حركة الناشئين في الملعب
وبتقدر تحلل قرارات اللاعب في كل موقف في المباراة
عن طريق الـinsights دي مع الأرقام اللي تخص كل لاعب (السرعة – المسافة اللي بيقدر اللاعب يغطيها أثناء المباراة – إلخ)
بيقدر النادي يحدد من بدري مين من الناشئين ممكن يكون ليه مستقبل واعد.

4. إعادة تأهيل المصابين بشكل أسرع باستخدام تحليل البيانات:

الفرق الطبية للأندية الكُبرى بدأت تستخدم الذكاء الاصطناعي في وضع خطط تأهيل صحية للاعبين المصابين
بناءًا على القراءات الحيوية للاعبين أثناء التدريبات اللي قبل الإصابة وكمان نوع الإصابة نفسه بتقدر نماذج الذكاء الاصطناعي
تتنبأ بالمدة اللازمة لتأهيل المصاب قبل عودته للملاعب
وكمان بتساعد الفرق الطبية في تحديد العوامل اللي أدت للإصابة لتلافيها في المستقبل.

5. تحديد الوقت الأنسب لعرض الإعلانات خلال المباريات عن طريق تحليل البيانات:

بعد كأس عالم 2018 في روسيا، بدأت بعض الشركات تفكر في استخدام الذكاء الاصطناعي في تحديد الوقت الأنسب لعرض الإعلانات أثناء المباريات
بعض الاستادات في 2018 كان فيها حوالي 1,200 كاميرا، منها كاميرات بتتابع تعبيرات الجمهور أثناء المباراة،
بعض الشركات بتحاول تستخدم الذكاء الاصطناعي في إنها تحدد ايه هي أهم اللحظات اللي بيبقى الجمهور مركز فيها في المباراة
لإن دي أكثر لحظة هتبقى rewarding لعرض أي إعلان.

زي ما احنا شايفين الموضوع تخطّى فكرة المهارة واللياقة البدنية وبدأت التكنولوجيا يبقى ليها دور مهم في إدارة الفرق. أفتكر دي حاجة سهل يتم إدخالها للسوق المصري، ومع الوقت هيبقى عندنا industry مش قليلة بتخدم الفرق والمنتخبات العربية والافريقية
وفي نفس الوقت بتحسّن آداء اللاعبين وبترفع مستوى صناعة كرة القدم المصرية بشكل عام باستخدام التقنيات الحديثه ومن ضمنها تحليل البيانات-data analysis
للمزيد من الاخبار عن مجال تحليل البيانات والذكاء الاصطناعي وعلوم البيانات
اشترك في القناة
من هنا
وتفعيل زر الجرس

Source :Mohamed Ameen
From: Egyptian AI & Big Data Geeks Group

Leave a Reply

Your email address will not be published.